News Kimbunga Sally chapiga majimbo ya Alabama na Florida

Kimbunga Sally chapiga majimbo ya Alabama na Florida

-

Kimbunga Sally kimepiga mwambao wa karibu na mpaka baina ya majimbo ya Alabama na Florida Kusini mwa Marekani, kikiambatana na mafuriko na upepo unaokwenda kwa kasi ya km 165 kwa saa. 

Mamia ya watu wamelazimika kuokolewa baada ya nyumba zao kujaa maji. Kimbunga hicho kimesomba maboti yaliyokuwa ufukweni na kuyatupa nchi kavu, na kuangusha miti na kuezua nyumba katika miji ya Pensacola na Mobile. 

Nyumba zipatazo 540,000 za makaazi ya watu na biashara zimeachwa bila umeme katika eneo hilo la kaunti ya Escambia, ambako maafisa wamesema watu 377 wameokolewa kutoka nyumba zilizofurika maji, ikiwemo familia ya watu wanne ambao walikuwa wamepanda mitini kuepuka kumezwa na mafuriko.

 Hali ya hatari imetangazwa katika baadhi ya miji ya mwambao katika jimbo la Alabama, wakati vikosi vya kitaifa vya uokozi vikisubiriwa kuwasili katika majimbo yaliyoathiriwa.

Publisher
Swahili Publisher , Publishes swahili articles in this website

Latest news

JCPOA Still Alive, US Must Know Era of Bullying Over, Iran’s FM Says

- Politics news - “Iran never hesitates to engage in negotiations, but will not renegotiate an issue that...

Must read

You might also likeRELATED
Recommended to you