Wananchi 455 Madihani mbioni kunufaika na mradi wakufua umeme wa mto Rumakali

-

Na Amiri Kilagalila,Njombe.

- Advertisement -

Zaidi ya wananchi 455 wakazi wa kijiji cha Madihani wilayani Ludewa mkoani Njombe wanatarajia kunufaika moja kwa moja kutokana na kuanza ujenzi wa mradi wa umeme wa maporomoko ya maji ya mto Rumakali uliopo katika kijiji hicho.

Treyphon Mbalape ni afisa mtendaji wa kijiji cha Madihani na Elias Sanga ni mmoja wa wakazi wa kijiji hicho,wamesema kuanza kwa mradi huo waliousikia tangu mwaka 1998 utafungua fursa kwao na na wilaya ya Makete kwa kuwa wamekuwa na changamoto kubwa ya upatikanaji wa nishati.

“Naimani kupitia mradi huu tutanufaika na umeme kwa kuongeza uzarishaji ndani ya kijiji na ajira zitaongezeka,lakini tunaendelea kushirikiana kwa ajili ya kutunza vyanzo vya maji ili kulinda mto huu uendelee kuzalisha maji zaidi”alisema Treyphon Mbalape

Elias Sanga amesema “Kwa kweli tulikuwa tunapata shaida sana huku vijijina kwa hiyo serikali inapotuletea miradi kama hii tunaamini tutapona na hali tuliyokuwa nayo”

Mhandisi Toto Zedekia ni meneja wa undelezaji vyanzo vya umeme akiwa pamoja na timu ya watalamu kutoka shirika la umeme Tanzania Tanesco pamoja watalamu kutoka wizara ya nishati wamekagua eneo la ujenzi wa mradi,amesema mradi huo unaotajiwa kuanza karibuni unategemewa kuongeza kiwango cha umeme nchini kwa kuzalisha megawati (MW) 222.

“Hapa kutakuwa na bwawa ambalo litakuwa na uwezo wa kubeba kiasi cha meta za ujazo milioni 256,manufaa ya mradi yatakuwa ni makubwa kwasababu nchi itaingia kwenye uchumi wa viwanda kwa hiyo utachangia kwa kiasi kikubwa kuongeza umeme kwa ajili ya umeme”alisema Toto Zedekia

Injinia Costa Rubagumya  ni Meneja mwandamizi mipango mkakati,amesema wametembelea eneo la mradi kwa ajili ya maandalizi ya miundombinu ya mwanzo ikiwemo huduma ya barabara ili kurahisisha utekelezaji wa mradi huku akiomba wananchi kuendelea kuwa na imani pamoja na kuupokea mradi kwa kuwa  vijiji vyote vitakavyopitiwa na mradi watakuwa ni wanufaika namba moja.

“Serikali inapoleta laini ya umeme kwenye eneo la utekelezaji wa mradi,vijiji vyote ambavyo vinapitiwa na laini vinakuwa ni vya kwanza kupatiwa umeme”alisema Injinia Costa Rubanzinya 

 

- Advertisement -
Publisher
Swahili Publisher , Publishes swahili articles in this website

Leave a Reply

Latest news

Must read

You might also likeRELATED
Recommended to you