Waziri wa zamani wa Masuala ya kigeni Ethiopia auawa na Jeshi

-

Jeshi la Ethiopia limetangaza kwamba limemuua waziri wa zamani wa mambo ya nje Seyoum Mesfin, mmoja wa wanachama waanzilishi wa chama Tigray People’s Liberation Front (TPLF).

Bw.Seyum, ambaye alihudumu kama waziri wa mambo ya nje wa kutoka mwaka 1991 hadi 2010, aliuawa pamoja na wanachama wengine wa ngazi ya juu TPLF kaskazini mwa jimbo la Tigray, wanajeshi walisema.

- Advertisement -

Serikali ilikuwa imetoa waranti ya kukamatwa kwake- pamoja na viongozi wengine wa ngazi ya juu katika chama hicho – kufuatia oparesheni ya kijeshi ya mwezi Novemba eneo la Tigray. Zawadi ya birr milioni 10 sawa na ($254,000; £187,000) iliahidiwa kutolewa kwa wale watakaotoa taarifa zitakazosidia kukamatwa kwao.

Jeshi linasema kwamba liliwaomba wajisalimishe lakini wakakata kufanya hivyo. Makumi ya wancahama wengine wa TPLF waliuawa na wengine kukamatwa katika oparesheni ya hivi punde, iliongeza kusema.

Waziri Mkuu wa Ethiopia Abiy Ahmed aliamuru oparesheni ya kijeshi dhidi ya jimbo la Tigray mnamo Novemba 4 na kuiondoa madarakani chama tawala, baada ya vikosi vyake kuvamia kambi ya majeshi ya serikali.

- Advertisement -
Publisher
Swahili Publisher , Publishes swahili articles in this website

Leave a Reply

Latest news

Must read

You might also likeRELATED
Recommended to you