Ujerumani: Mazungumzo ya kuunda serikali yafikia pazuri

0
2

Vyama vilivyojiimarisha zaidi kwenye uchaguzi wa mwezi uliopita huenda vikafikia makubaliano ya pamoja ifikapo mwishoni mwa wiki hii, ingawa bado kuna tofauti katika masuala ya kodi na mabadiliko ya tabianchi.

Vyama hivyo hata hivyo vimesema bado vinashughulikia tofauti zilizopo  baina yao, lakini vina imani ya kufikia makubaliano katika siku mbili  zijazo.&nbsp;</p> <p>Katibu mkuu wa chama cha Waliberali mamboleo cha <a href="https://www.dw.com/sw/fdp-kijani-wakutana-kwa-mazungumzo-ya-serikali-ya-mseto-ujerumani/a-59378692">Free Democratic (FDP)</a> Volker Wissing amesema wanatathmini matokeo ya mazungumzo yao ya siku  kadhaa zilizopita na kukubaliana kile watakachoweza kukifanya kwa  pamoja, lakini sasa vinaendelea kujadiliana kuhusu vizingiti vilivyopo  baina yao.</p>  <p>Katibu  mkuu wa chama cha SPD Lars Klingbeil kwa upande wake amesema baada ya  majadiliano hayo wana hakika watakubaliana iwapo watashughulikia  vizingiti hivyo na kuongeza kuwa huenda ikawa katika kipindi cha siku  mbili zijazo.</p> <p>Alisema,<em> "Haya yalikuwa mazungumzo ambayo  masuala yote muhimu yalishughulikiwa, na ninasema haya huku nikijua  kabisa kwamba bado tuna njia ndefu na kutakuwa na vizuizi. Lakini nina  hakika&nbsp;baada ya siku hii moja na nusu na iwapo tutaona kama ni  changamoto za kawaida, tutaweza kuvikabili vizuizi vilivyoko mbele yetu  pamoja."</em></p> <div class="picBox full rechts "> <a class="overlayLink init" href="https://www.dw.com/sw/ujerumani-mazungumzo-ya-kuunda-serikali-yafikia-pazuri/a-59487666#" rel="nofollow" style="cursor: pointer"> </a> <p>Chama cha SPD kiliongoza kwenye matokeo ya uchaguzi wa mwezi Septemba na sasa kinafanya mazungumzo ya kuunda serikali</p> </div> <p>SPD  kiliongoza kwenye matokeo ya uchaguzi huo wa Septemba wa bunge. Chama  hicho kinataka kuunda muungano wa serikali na vyama vya Kijani na FDP,  maarufu kama "Traffic Light", kutokana na rangi za vyama hivyo.</p> <p><strong>Tofauti za kimsingi zilizopo.</strong></p> <p>Mkurugenzi wa kitaifa wa&nbsp;<a href="https://www.dw.com/sw/chama-cha-kijani-ujerumani-chataka-mazungumzo-rasmi/a-59421786">chama cha Kijani</a> Michael Kellner amesema mazungumzo hayo yalikuwa ni ya kina na kuongeza  kuwa kiwango cha kuaminiana kati yao kimeongezeka na tofauti zikizidi  kuwa ndogo.</p> <p>Vyama hivyo vitatu hata hivyo havikuzungumzia kwa  kina majadiliano yao yaliyodumu kwa masaa 14 siku ya Jumatatu, vikisema  vinataka faragha vinaposhughulikia kwanza tofauti zao zinazojikita  katika masuala ya sera za kodi na namna ya kukabiliana na mabadiliko ya  tabianchi.</p> <p>Ingawa itikadi za chama cha Kijani na SPD zinaonekana  kukaribiana, lakini kuna tofauti kubwa kati yao na chama cha FDP na hasa  yanapokuja masuala ya uchumi na sera za fedha. Ingawa SPD na Kijani  wanaunga mkono ongezeko la wastani la kodi kwa matajiri, FDP wanapinga  vikali hatua hiyo. Na kuhusiana na mabadiliko ya tabianchi, FDP wanataka  kuegemea zaidi nguvu ya soko tofauti na SPD na Kijani.</p> <p>Uchunguzi  wa maoni wa hivi karibuni umeonyesha asilimia 51 ya waJerumani wanaunga  mkono muungano wa serikali wa SPD, FDP na Kijani, huku wengi  wakionyesha kutotaka chama cha Christian Democrats cha kansela Angela  Merkel kuunganishwa kwenye serikali, ingawa kilishinda nafasi ya pili  kwenye uchaguzi.</p>  <p>Iwapo  makubaliano yatafikiwa siku ya Ijumaa, chama cha Kijani kimesema  kitahitaji kufanya kongamano dogo la chama litakaloidhinisha uwepo wao  ndani ya serikali. Wamesema watafanya mkutano huo siku ya Jumapili ili  kutoa maamuzi haraka.