Wanadiplomasia kutoka Marekani na Russia walikutana Jumatatu mjini Geneva wakianza mfululizo wa mazungumzo ya ngazi ya juu wiki hii kuhusu Moscow kupeleka idadi kubwa ya wanajeshi kwenye mpaka wake na Ukraine, na madai ya Russia ya kuhakikishiwa dhamana ya usalama na nchi za magharibi.

Msemaji wa wizara ya mambo ya nje Marekani alisema mkutano huo ulianza muda mfupi kabla ya saa tatu asubuhi kwa saa za huko huku akisisitiza kwamba upande wa Marekani umekuwa ukifanya kazi kwa mashauriano sio tu na Ukraine pekee lakini pia na NATO na washirika wengine kote ulaya. Marekani ina nia ya dhati kufuata kanuni, haikuhusu wewe, bila wewe, pale linapokuja suala la usalama wa washirika wetu wa ulaya na marafiki ikiwa ni pamoja na Ukraine, msemaji huyo alisema katika taarifa. Tunapigiwa kelele katika kila ngazi na washirika na marafiki zetu, na tutaendelea kuwepo ndani katika siku na wiki zijazo.

Baada ya mazungumzo ya Geneva, Russia inatazamiwa kufanya mazungumzo na NATO mjini Brussels siku ya Jumatano, na pia kwenye jumuiya ya usalama na ushirikiano barani ulaya siku ya Alhamis huko Vienna. Kabla ya kikao cha leo Jumatatu cha Marekani na Russia wanadiplomasia wa vyeo vya juu kutoka nchi zote mbili walielezea matumaini kidogo kwamba mivutano kati ya nchi zao itapungua wiki hii.

Tagged in: