More
    - Advertisement -

    Waziri Jafo aagiza kukamatwa kwa mfanyabiashara alietelekeza makontena ya uchafu Bandarini

    -

    - Ad Keep reading below -

    Waziri wa Nchi Ofisi ya Makamu wa Rais (Muungano na Mazingira) Mhe. Selemani Jafo ameagiza kukamatwa kwa Bw. Kaissy Mkurugenzi wa  Kampuni ya Seif for Tobacco Trading Co. Ltd aliyeingiza nchini makontena zaidi ya mia tano (500) yenye malighafi ya Molasesi iliyoharibika na kuyatelekeza katika Bandari ya Dar es Salaam.

    Waziri Jafo ameagiza hayo hii leo mara baada ya kufanya ziara ya kushtukiza katika Bandari ya Dar es Salaam na kushuhudia makontena hayo yakiwa yametelekezwa bandarini hapo na mengine kutawanywa katika baadhi ya bandari kavu jijini Dar es Salaam.

    - Ad Keep reading below -

    Amesema kamwe Tanzania haiwezi kugeuzwa kuwa dampo kwa kuruhusu bidhaa kutoka nje ya nchi ambazo muda wake wa matumizi umeisha kuingizwa nchini kwa lengo la kutupwa kiholela.

    “Ndugu zangu katika kusimamia mazingira hatuna mzaha, afya za binadamu na mimea ni dhamana yetu, sitaruhusu afya za watanzania kuwekwa rehani” Jafo alisisitiza.

    - Ad Keep reading below -

    Imebainika kuwa mfanyabiashara huyo aliyetambulika kwa jina moja tu la Bw. Kaissy aliingia nchini kwa hati ya utembezi (tourist) na baadae kupatiwa kibali cha uwekezaji kupitia Export Processing Zone (EPZA) kilichomruhusu kuwekeza katika uzalishaji wa shisha kibali ambacho kilifutwa baada ya kugundulika kuwa kuna udanganyifu mkubwa kuhusu uwekezaji wake.

    Aidha, Waziri Jafo amemwagiza Mkurugenzi Mkuu wa Baraza la Taifa na Hifadhi na Usimamizi wa Mazingira (NEMC) Dkt. Samwel Gwamaka kufanya kaguzi katika Bandari kavu zote nchini kubaini bidhaa zilizoingizwa nchini zikiwa zimeisha muda wake wa matumizi ambazo zimetelekezwa kwa lengo la kuzitupa nchini na kuchukua hatua za kisheria.

    ALSO READ  Jela miaka miwili kwa kutishia kumuua Rais Magufuli
    ALSO READ  Waajiri chanzo cha migogoro ya wafanyakazi - Dkt. Mary Mwanjelwa

    Pia Waziri Jafo amesema NEMC, TBS na Mamlaka ya Bandari ndani ya siku tatu kuwasilisha taarifa ya kina kuhusu mwekezaji huyo na idadi kamili ya makontena yaliyoingizwa nchini na mfanyabiashara huyo.

    “Kwa kuwa vipimo vilivyofanywa na TBS vinaonyesha kuwa Molasesi yote imekwisha haribika na ni hatari kwa afya ya binadamu na mazingira, namwagiza mfanyabiashara huyo kurudisha makontena hayo yalikotoka kwa gharama zake mwenyewe” Jafo alisisitiza.

    - Ad Keep reading below -

    Waziri Jafo pia ametembelea bomba za kusafirishia mafuta kutoka kwenye meli na kubaini uvujaji wa mafuta katika mabomba hayo unaosabishwa na uchakavu  wa mitambo hiyo, Waziri Jafo ameagiza hatua za haraka kuchukuliwa kudhibiti uchafuzi wa Mazingira.

     

    - read any article below now-
    Publisher
    Swahili Publisher , Publishes swahili articles in this website

    Latest news

    Shocking Leicester display raises serious questions about ability to handle pressure

    Leicester's top-four hoodoo returned as they collapsed in the 4-2 loss to Newcastle United.

    Postpone LG election to avoid another legal gymnastics – ex-Oyo Gov, Alao-Akala tells Makinde

    A former Governor of Oyo State, Chief Christopher Adebayo Alao-Akala, has advised the incumbent Governor, Engineer Seyi Makinde, to without wasting more time, postpone...

    FBI hails EFCC for efforts on global crime war

    The Federal Bureau of Investigation (FBI) considers the Economic and Financial Crimes Commission (EFCC) a critical partner in the global fight against organized crime...
    - Advertisement -

    You might also likeRELATED
    Recommended to you

    - Advertisement -
    %d bloggers like this: